Novo ataque à liberdade de expressom
- Actualidade política
O juiz Ventura Pérez Mariño vem de decretar o encerramento da página web da Assembleia da Mocidade Independentista (já inacessível desde o Estado) polo simples facto de editar um vídeo de desenhos animados contra os exterminadores da língua, reproduzido em muitos outros portais e formatos. Só com isto avonda para censurar por completo este importante meio de comunicaçom de umha organizaçom juvenil.
De Isca! amosamos a nossa solidariedade com as vítimas desta nova mas pouco surprendente censura judicial, que volve repetir-se no Estado espanhol, cujos dirigentes políticos arrogam-se o direito de dar liçons de democracia a países mais avançados política e socialmente. A liberdade de expressom, como o resto de direitos, tem de conquistar-se por meio da organizaçom popular e da mobilizaçom, sem ceder ante atropelos amparados polo marco jurídico-político imposto.
