[Ogrobe] Encontro formativo, sen orgullo non hai democracia

As militantes de Isca! acreditamos na (auto)formación como unha das ferramentas precisas para loitarmos contra o modelo de vida e de relacións que nos impón o sistema, mellorando a nosa capacidade de acción política e militante para así transformar a realidade que nos tocou vivir. Acreditamos en que aprender sempre é a mellor maneira de avanzarmos, construindo alternativas aos poderes que nos queren ignorantes e sumisas.

De esta volta organizamos unha xornada de auto-formación  baixo o título “sen orgullo non hai democracia“, entendendo o papel de transformación que os movementos de disidencia sexual teñen nunha sociedade  heternormativa como a actual, brindando tamén novos marcos para a análise do xénero e a sexualidade. Desde Isca! cremos na necesidade de partillar preguntas e experiencias e dar pé á reflexión e ao debate polo que vos convidamos a asistir a estas xornadas sobre que terán lugar en Ogrobe, no local do BNG (Avenida de Portugal nº 17) o 17 de abril ás 18:00 horas, onde trataremos:

• Revolucion de Stonewall: un antes e un despois.

• Transfobia na sociedade e nos medios de comunicacion.

Non faltes!