[Ourense] Videoforum-coloquio, o socialismo feminista en Cuba

Desde Isca! non queríamos deixar pasar o 58 aniversario da revolución cubana sen divulgar, aprender e debatir en torno ao rol histórico da Federación de Mulleres Cubanas (FMC) e do Centro Nacional de Educación Sexual (CENESEX). Neste videoforum-coloquio abordaremos os avances en materia de igualdade que se derivaron do xermolo feminista de Serra Maestra: o pelotón Mariana Grajales. Vangarda antipatriarcal que xurde en 1958 da man de comunistas bravas como Vilma Espín, Melba Hernández, Celia Sánchez, Haydée Santamaría e tantas outras.

Neste 2017 cúmprense 57 anos da constitución da FMC e 55 anos da creación do CENESEX. Por esta razón debatiremos en torno á realidade feminista en Cuba grazas a unha seleccións de material audiovisual extraído de Telesur, CubaInformación e CubaTV. Achegarémonos de primeira man ás reflexións de Teresa Amarelle, Eugenia Palomares, Isabel Moya e como non, Mariela Castro.

Estades todas invitadas a este videoforum-coloquio que pretende ser, ante todo, unha homenaxe aos avances en materia de feminismo que viviu e vive a revolución cubana. Terá lugar o vindeiro 26 de xaneiro a partir das 19:30 horas na aula 7 (baixo) do Edificio do Ferro en Ourense.

Non faltes!