Umha delegaçom de Isca! participou na apresentaçom dum manifesto solidário coa mocidade basca e no GaztEHerria
- Actualidade política
O 1 de Abril apresentou-se publicamente em Gernika o manifesto “Civil & Political Rights for the Basque Youth”, assinado por mais de 50 organizaçons de todo o mundo, entre elas a nossa. Umha moça curda e um moço catalám lerom em inglês e castelhano um comunicado no que se denuncia a repressom contra a mocidade basca e se convoca uma mobilizaçom para o próximo 29 de maio em Bruxelas.
A jornada em Gernika completou-se cum um roteiro guiado pola vila e com umha charla-colóquio no Gaztexe, com intervençons de representantes dos Países Cataláns, Curdistám, Irlanda e Bolívia. Ao dia seguinte participamos em Durango como delegaçom convidada no GaztEHerria, festival impulsado pola plataforma do mesmo nome e que une a diversos colectivos juvenis arredor da reivindicaçom independentista. A jornada serviu-nos nom só para seguir a conhecer a capacidade de autoorganizaçom e de resposta da mocidade basca apesar das contínuas agresons, mas também para difundir a realidade do nosso país e para intercambiar experiências com organizaçons revolucionárias de diversos povos do planeta.
