Pasos adiante para un futuro digno na nosa terra

Outro outono máis, co comezo do curso escolar e político, tal e como vimos denunciando desde a esquerda soberanista, a destrución do emprego continúa en caída libre. Volven medrar as cifras de desemprego, empobrecemento e precariedade que afectan ás clases populares do noso país, especialmente á mocidade. As agresións son cada vez máis fortes e cada vez é máis urxente tanto aumentar a axitación social para aumentar a conciencia sobre o que nos están a facer como tecer alternativas para combatelas e construír un futuro diferente. Por iso, desde Isca! animamos a todas as mozas e mozos conscientes a coñeceren e participaren das diferentes alternativas e mobilizacións que está a desenvolver o sindicalismo nacionalista do noso país.

Neste outubro, encetouse desde a CIG unha nova campaña a prol do emprego sob o lema “Salvemos Galiza, sen emprego non hai futuro” que se desenvolverá ao longo dos vindeiros meses con diferentes actos de denuncia e mobilizacións. Neste marco, estanse a desenvolver diferentes marchas a pé nas comarcas co obxectivo de visibilizar a situación de urxencia que vive o noso país e as alternativas que se presentan desde o sindicalismo nacionalista para pórlle freo. Con estes obxectivos, desde Isca! convidámosvos a camiñar a pé de rúa canda a CIG, inzando as rúas das nosas cidades e vilas da forza da mocidade rebelde que vai impedir que continue este saqueo, así como a acudir tamén á mobilización nacional convocada como colofón a estas marchas para o vindeiro 19 de outubro ás 12:00 desde a alameda de Compostela. .

É urxente sumarmos esforzos para berrar ben alto que as medidas impulsadas desde a dereita que nos goberna na Xunta e no Estado son contraproducentes e só contribúen a empeorar a dramática situación das clases populares. É preciso visibilizarmos como a crise sistémica do capitalismo e a nos dan a razón: neste sistema non temos futuro, cómpre derrubalo e construír un sistema diferente, fundamentado na solidariedade e non na procura do beneficio, no que se garantan os dereitos fundamentais, o socialismo. Urxe un cambio de sistema que para nós só é posíbel acompañado da ruptura co xugo do Estado español e a consecución da plena soberanía para que sexa o noso pobo quen decida o seu futuro.

O emprego deféndese loitando!

Futuro digno na nosa terra!

Documento medidas CIG, consultar aquí.

Partíllao!

En Facebook
En Twitter
En Pinterest
Polo WhatsApp
Ou polo Telegram
Email

Deixa un comentario