Pola autodeterminaçom dos povos: Saara livre!
- Actualidade política
Desde a dinâmica internacionalista “Somos o vosso pior pesadelo”, conformada polas organizaçons juvenis Arran (Països Catalans), Briga (Galiza), Darréu (Asturies), Ernai (Euskal Herria), Yesca (Castilla), Jaleo!!! (Andalucía), Purna (Aragón) e nós próprias, Isca! (Galiza), assinamos este comunicado com motivo das revoltas populares no Saara, em apoio às companheiras saarauís e em condenaçom do papel que cumpre o Estado espanhol como força imperialista. As mocidades soberanistas do Estado reclamamos um Saara sem ingerência marroquina e demandamos o cumprimento do direito à autodeterminaçom dos povos. Viva o Saara livre!
Reproduzimos a continuaçom o comunicado:
No passado 21 de outubro, dúzias de saarauís manifestavam-se de forma pacífica no passo fronteiriço de Guerguerat, reclamando a fim do espólio dos recursos naturais do Saara por parte de Marrocos, a fim da ocupaçom marroquina e a celebraçom do referendo de autodeterminaçom patuado em 1991 para pôr fim ao conflito entre a República Saarauí Democrática (RASD) e o Reino de Marrocos.
As forças de ocupaçom marroquinas rompêrom o histórico cessar-fogo e atacárom os manifestantes saarauís, deixando vários feridos. O Frente Polisário deu por declarada a guerra com esta manobra militar por parte de Marrocos e realizou um chamado ao povo saarauí a defender a sua terra.
Tanto o povo saarauí, as suas organizaçons e todos os grupos de apoio com o Saara Ocidental tenhem mui claro os responsáveis desta situaçom. O Reino de Marrocos, a MINURSO (Missom de Naçons Unidas polo Referendo no Saara Ocidental) que nom cumpriu os seus objetivos propostos e o Estado espanhol, que abandonou o povo saarauí após anos de colonizaçom e fugiu deixando via livre a Marrocos para ocupar ilegalmente os territórios saarauís em 1975. Ainda hoje, o Estado espanhol segue a ser a potência administradora e responsável polo processo de descolonizaçom, o único nom resolto no continente africano.
Desde O Pesadelo, as organizaçons juvenis dos povos oprimidos do Estado espanhol, damos o nosso apoio absoluto à luita do povo saarauí a defender a sua terra e conseguir a independência. O referendo nunca se materializou por parte de Naçons Unidas, hoje estám a pagar as suas consequências e os saarauís decidírom dar batalha.
A juventude combativa com o povo saarauí!
O Pesadelo, 8 de dezembro de 2020.
