Que se movan as pedras. Euskal Presoak, Euskal Herrira!

Un ano máis as rúas de Euskal Herría vibrarán de reivindicación e solidariedade a prol dos dereitos civís e políticos das presas políticas vascas, contra a dispersión e as medidas de excepción. Sare e Bagoaz, entidades convocantes, denuncian a longa etapa da dispersión, esa enorme e pesada pedra que desde hai máis de dúas décadas aplasta os dereitos de familias e de toda a sociedade vasca. Desa política penitenciaria que suma miles de días de viaxe, comunicacións vixiadas, enormes esforzos económicos, sufrimentos personais, preocupacións pola saúde e mesmo falecidas e feridas producidas neses longos percorridos desde Euskal Herria até as cadeas do Estado Español.

Baixo o lema Mugi Daitezen Harriak (Que se movan as pedras) partirán as marchas en Bilbo e en Baiona o vindeiro sábado día 9 ás 17:00 horas e na que participará unha delegación da nosa organización acompañando á organización xuvenil da esquerda abertzale Ernai. Esa enorme pedra que simbolizan os gobernos español e francés prolongando un escenario escuro de violación dos dereitos humanos e xeración de sufrimento é a que se aspira a mover.

Euskal Presoak, Euskal Herrira.