[Campaña nacional] Sabías que…

Actualidade política

… a Galiza ten hoxe por volta de 65.000 persoas menores de 30 anos en paro?

… a taxa de desemprego xuvenil achégase ao 50%, máis do dobre que o conxunto dos estados da UE (23,5%)?

… o desemprego xuvenil na Galiza aumentou exponencialmente desde o comezo da crise? 2007: 15,9%, 2008: 21,05%, 2014: 48,45%

… menos do 50% das persoas en paro perceben algunha clase de axuda económica?

… ditas axudas son en moitos casos de contías próximas aos 400€?

… na última década a mocidade pasou de representar o 23% da poboación activa a un residual 12%? E que a idade media da persoa traballadora salariada subiu tres anos entre o 2007 e o 2013, dos 38.9 aos 41.9 anos?

… desde que comezou a crise a mocidade asalariada pasou de 366.000 persoas (2007) a 213.000 (2014)?

… o 20% da poboación activa cobra un salario bruto de só 600 €?

… por volta de 142.000 mozas galegas tiveron de abandonar o país desde o 2007?

… o número de mozas residentes na Galiza pasou dunhas 675.000 persoas (2008) a 533.000 persoas (2014)?

… segundo os últimos datos do IGE na mocidade os contratos a tempo parcial superan o 33% do total e os contratos temporais case o 68%?

… aínda cos tremendos recortes en materia laboral, desde o inicio da primeira lexislatura de Alberto Núñez Feijóo no 2009, a débeda pública galega pasou duns 4.842 millóns de euros a uns 9.000 millóns, por volta do 16,6% do PIB?

Como vemos a Galiza é hoxe moito máis pobre e vella que antes de o PP tomar o poder. Ás escandalosas cifras de paro súmase un premeditado ataque aos dereitos laborais, que en forma de reforma laboral e recortes de corte neoliberal, precariza o emprego e limita as axudas sociais. Aínda máis, pois acentúa o secular fenómeno emigratorio do país, producindo un sangrado constante na sociedade galega.

Este é o noso presente mais tamén pode haber outro futuro se loitamos agora para derrubar un sistema inxusto. Organización, mobilización e rebelión!

>> [Campaña nacional] Rachar co pacto social, loitar polo noso futuro!