Saudamos o nacemento de Ernai, a nova organización xuvenil da esquerda abertzale

O pasado 2 de marzo, como culminación do proceso “Gazte Zukgua” e logo de seis meses de debates constituiuse Ernai, a nova organización xuvenil da esquerda abertzale, situada en parámetros análogos aos nosos: independentistas, socialistas, feministas e revolucionarios. As mozas e os mozos de Isca! quixemos desexarlles a través dun video un produtivo congreso constituínte, onde se concretaron os obxectivos, estratexia, liñas de traballo e funcionamento da organización xuvenil analizando a problemática xuvenil, creando alternativas e fortalecendo o proceso de liberación nacional e social.

Así mesmo, e para seguir tecendo relacións de irmandande entre a mocidade dos pobos en loita, Isca! participará como organización convidada no Gazte Danbada, festival que celebrará o nacemento de Ernai e que terá lugar os vindeiros 29, 30, 31 de marzo e o 1 de abril en Urduña, Biscaia.

Porque sabemos que a autoorganización consciente da mocidade é imprescindíbel para a facermos fronte á opresión e construir un futuro de liberdade para os nosos pobos e a nosa clase, desexámoslle o mellor futuro á nova organización xuvenil, pois os seus éxitos serán tamén os nosos.

Gora Galiza eta Euskal Herri libre eta sozialistak!

Hamaika herri borroka bakarra!