Participamos no encontro e na manifestación da Marcha Mundial das Mulleres

Miles de persoas mobilizáronse na manifestación convocada pola Marcha Mundial das Mulleres baixo o lema “Cambiar a vida das mulleres para cambiar o mundo. Cambiar o mundo para cambiar a vida das mulleres”. Este era o acto central dunha serie de actividades que tiveron lugar en Vigo ao longo de toda a semana, con encontros, debates, feira de asociacións, actos lúdicos… que xuntaron en Vigo mulleres de todo o mundo para tecer alternativas ao vixente modelo socio-económico, especialmente centradas no dereito dos pobos á soberanía alimentar, sempre desde unha perspectiva feminista.

Militantes de Isca! participaron nas diversas actividades, especialmente na mobilización, baixo o lema “Loitamos pola nosa independencia. Sen as mulleres non hai revolución!”. Portouse unha faixa, repartíronse autocolantes e un Rebater editado para a ocasión. A mobilización rematou no Porto de Vigo onde varias das delegadas da Marcha Mundial das Mulleres, representantes de diversas rexións do mundo, se dirixiron ás manifestantes.

Consulta aquí o Rebater editado para a mobilización.

Podes tamén ver aquí un video da mobilización.