Siria, no punto de mira do imperialismo

Siria, no punto de mira do imperialismo, é o título baixo o cal organizamos unha charla-coloquio sobre a situación actual que atravesa este país de Oriente próximo e na que participará Óscar Valadares, do Comité de solidariedade internacionalista “Mar de Lumes“. Nela poremos sobre a mesa a súa realidade desde un outro punto de vista, pondo o foco sobre diversas cuestións: que é Siria, cales son os intereses occidentais en Siria e na rexión, cales son as orixes do conflito armado ou cal é a situación actual na súa loita contra o terrorismo. Animamos á mocidade a participar, a dar o seu punto de vista e a debater sobre este tema de recente actualidade.

O acto terá lugar o vindeiro venres día 15 de xaneiro de 2016 ás 20:00 horas na Sala de Exposicións Amalia Domínguez Búa (Rúa Eduardo Vicenti, 2) en Bueu.

Anímate e participa!