Sobreseída a causa contra os nossos militantes detidos na marcha de “Galicia Bilingüe”
- Actualidade política
Há uns dias tivemos novas do sobresemento da causa contra @s três militantes da nossa organizaçom que foram detidos e posteriormente libertados com cargos durante os sucessos do 8 de fevereiro de 2009, quando umha manifestaçom galegófoba da plataforma espanholista “Galicia Biligüe” desfilou por Compostela. Daquela, militantes da nossa organizaçom levarom a cabo umha original acçom de denúncia contra estes elementos fascistas, disfarçando-se de vacas e situando globos de texto coa lenda “el gallego es para hablar con las vacas” junto aos dirigentes espanholistas Gloria Lago e José Manuel Pousada. Como conseqüência da nossa acçom, produzirom-se as detençons dos nossos militantes junto às de vários activistas pro-galego mais, e todos eles passárom 24h nos calabouços.
De Isca!, parabenizamo-nos por esta lógica decisom, pois nada delictivo houvo na actuaçom dos nossos três companheiros, e ao tempo lembramos que ainda som vári@s @s nacionalistas que serám julgados após os sucessos dumha jornada protagonizada pola exaltaçom espanholista e a brutalidade policial. Aproveitamos de novo para lhes expresar a nossa solidariedade.
Pola nossa parte, seguiremos a desvendar o verdadeiro carácter e objectivos destes sectores reaccionarios e espanholistas, e seguiremos a defender na rua o direito a viver na nossa língua.
Defender a língua nom é delito!
