Solidariedade con Aarom, Atanes e Mario

Organizacións xuvenís e estudantís de todos os pobos oprimidos polo Estado Español asinamos conxuntamente un comunicado en solidariedade con 3 estudantes galegos que están a ser procesados e aos que se lles piden 9 anos de prisión por protestar contra a presenza de Núñez Feijóo na USC. Desde Isca! mostramos publicamente de novo a nosa solidariedade cos tres compañeiros, como xa llo transmitimos hai días ao Comité pola Absolución creado a tal efecto, e animamos á mocidade a participar da concentración solidaria o martes 10 de novembro as 10:00h coincidindo co xuizo, diante dos Xulgados de Fontiñas.

Solidariedade con Aarom, Atanes y Mario

O vindeiro día 10 de novembro, tres mozos galegos serán xulgados por participar nunha protesta estudantil contra a presenza na Universidade de Santiago de Compostela do Presidente da Xunta de Galicia, Alberto Nuñez Feijóo, máximo responsábel a nivel galego das retalladas feitas na educación pública e a aplicación de leis anti-populares e anti-galegas como a LOMCE.

Os delitos dos que son acusados son lesións e desordes públicas chegando a pedir unha condena de 3 anos a cada un, nove anos de prisión en total, ademais dunha forte sanción económica. Unha petición desproporcionada para unha acusación falsa, baseada en fotos publicadas por medios de (des)información e declaracións dos policías de paisano que participaron no dispositivo ese día que e foron os únicos que realmente agrediron ao estudantado concentrado contra as políticas neoliberais.

Os grandes poderes do Estado Español quérennos asustar, vernos caladas, que non saiamos a rúa para denunciar a miseria á que condenan a mocidade traballadora… mais a mocidade rebelde das nacións oprimidas polo Estado Español temos claro que non o van conseguir. Sabemos que o camiño é continuar a defender os nosos dereitos nas rúas e exercer a desobediencia ás súas leis, só así as súas políticas represivas non nos conseguirán deter.

Non imos ceder ante as súas montaxes policiais pois somos coñecedoras da forza e da necesidade da autoorganización da mocidade de cada nación oprimida, que axude e permita a necesaria acumulación de forzas para rachar co réxime autoritario e partriarco-burgués que representa España.

É por iso que as organizacións xuvenís das nacións oprimidas polo Estado español amosamos o noso apoio internacionalista a estes tres mozos que afrontan penas de prisión pola defensa coherente dos dereitos da mocidade traballadora galega.

Aarom, Atanes, Mario absolución!

ARRAN – Concejo Estudiantil – Darréu – Ernai – Ikasle Abertzaleak – Isca! – Jaleo!!! – Liga Estudantil Galega– Purna – SEPC – Seira – Xunta Estudantil Asturiana – Yesca