Un berro de xustiza contra a inxustiza

O vindeiro domingo día 1 de decembro a Plataforma Nunca Máis chama a todo o pobo galego a manifestar a súa indignación, o seu rexeitamento e a revolverse contra a sentenza sobre a catástrofe do Prestige que, após 11 anos da mesma, se ditaba hai dúas semanas. Cun desenlace xa anunciado polo non enxuizamento dos principais responsábeis políticos da catástrofe, é hora de berrar xustiza no medio de tanta inxustiza. Contra o esquecemento, contra a impunidade e pola dignidade do pobo galego.

Manifestación ás 12 horas:

• A Coruña, Casa do Mar

• Foz, praza do Concello

• Lugo, explanada da Xunta

• Ourense, pavillón dos Remedios

• Pontevedra, Praza da Ferrería

• Vigo, Praza dos Cabalos

• Santiago de Compostela, Alameda

Manifestación ás 12:30 horas:

• Ferrol, Praza do Inferniño

Nunca Máis!