Unha voz soberanista e transformadora nas eleccións do 20-D

.

.

Sabemos que a marxe do poder institucional é menor e cada vez está máis secuestrada polo gran capital, que é quen dita as políticas a aplicar mediante chantaxe ou designación direta dos seus peóns nos gobernos. Mais tamén sabemos que a organización de alternativas sociais e económicas para a nosa clase e o noso pobo non é contraditoria coa participación institucional na defensa dos valores da esquerda transformadora e o soberanismo.

Falamos con Noa Presas, militante de Isca! e candidata número 1 ao Congreso das Deputadas pola provincia de Ourense por Nós-Candidatura Galega. Apostamos por Nós-Candidatura Galega pola defensa da soberanía nacional para decidirmos sobre o noso. Pola defensa dos obxectivos intereses das clases populares galegas. Pola defensa activa dun marco galego de relacións laborais, contra a explotación, a precariedade, a emigración xuvenil e o desemprego. Pola banca pública, a defensa dos sectores produtivos galegos, o feminismo, a defensa da diversidade sexual, a vida digna e unha política antiimperialista enfrontada á OTAN.

O vindeiro 20 de decembro a mocidade rebelde con Nós-Candidatura Galega!