V Asemblea Nacional de Isca! Agardámoste ás 19:00h.

Como xa publicamos hai días, o vindeiro 7 de febreiro terá lugar na cidade de Compostela a 5ª Asemblea Nacional da nosa organización baixo o lema “rachar co presente, construír o futuro“. Nela actualizaremos as nosas análises políticas sobre a situación da mocidade e do movemento independentista e revolucionario galego. Farémolo xunto coas colaboradoras e simpatizantes que decidiron participar con nós de todo un proceso que comezou xa no mes de decembro e que rematará a finais de febreiro.

Pero non queremos esquecernos de ninguén, por iso convidamos a todas as mozas e mozos que esteades interesadas en coñecer o noso proxecto, as nosas conclusións ou como foi o proceso á sesión de clausura a partir das 19:00 horas (nova hora) que terá lugar no salón de actos do Colexio Maior San Clemente (Praza Rodríguez Cadarso, Campus Sur, Compostela).

Nel daremos conta das conclusións e resolucións políticas da nosa Asemblea Nacional, contaremos cos saúdos das nosas organizacións irmáns doutros pobos, cunha intervención política a cargo do noso partido, o Movemento Galego ao Socialismo, coa compañía das organizacións coas que día a día camiñamos cara un futuro libre e sen explotación e todo amenizado cunha intervención musical galega.

Agardámoste!

.

>> V Asemblea Nacional. Rachar co presente, construír o futuro!