Compostela nom merece este governo!

Na cidade de Compostela está-se a produzir a ecandalosa situaçom de que 10 das 13 vereadoras do governo municipal estejam imputadas por casos de corrupçom. Todo começou um ano e meio depois de ganhar as eleiçons municipais o PP. Foi entóm quando se conheceu toda a trama do caso Pokemon e a acusaçom ao o antigo alcade, o polémico Gerado Conde Roa, por defraudar 291.000 euros a fazenda.

Conde Roa só foi a punta do iceberg, já que tirando do fio, o caso Pokemon converteu-se em caso Manga e forom saindo imputaçons a discreçom, chegando à situaçom atual de ter 10 pessoas, todas vereadoras do concelho e pertencentes ao PP imputadas por casos de prevaricaçom, suborno e falsificaçom entre outros. Entre estas pessoas está o atual alcalde Ángel Currás, sucessor de Conde Roa que seria um dos culpaveis de que Compostela acade um estatus de corrupçom equivalente ao que tivo Marbella no seu dia.

Por todo isto, e polo escurantismo com que se levou este tema dende o Concelho, sem informar a populaçom, dando umha imagem de normalidade quando na realidade a cidade esta sumida num desgoverno, absoluto várias organizaçons que realizamos trabalho todos os dias na cidade (ANOVA, AGIR, BNG, BRIGA, CAUSA GALIZA, CIG, COMITÉS, EU, FRUGA, GALIZA NOVA, GENTALHA DO PICHEL, ISCA!, LIGA ESTUDANTIL GALEGA E NÓS-UP) convocamos umha concentraçom de protesta, com todo tipo de instrumentos para fazermos ruido, diante do concelho a quinta feira 28 de Novembro às 17:00 exigindo três pontos básicos:

• A demissom de Àngel Currás

• A dissolucom da corporaçom municipal

• A convocatória de novas eleiçons

Para que deixem de enganar-nos e de roubar-nos!

> Panfleto