Galiza terá unha nova lei de caixas grazas á proposta do BNG, que obtivo o respaldo unánime da Cámara
- Actualidade política
Santiago de Compostela, 24 Novembro 09. O portavoz de Economía do grupo parlamentar do BNG, Fernando Blanco, felicitouse polo acordo unánime adoptado hoxe na Cámara a favor da toma en consideración do Proposición de Lei de Caixas presentada polos nacionalistas e asegurou que supón unha boa nova para o conxunto dos galegos ao se enviar unha mensaxe clara tanto á sociedade como aos directores das Caixas: “os intereses de Galiza por riba”.
Blanco defendeu a proposta nacionalista como un “proxecto aberto”, para conseguir que sexa a “Lei de Caixas do conxunto de Galiza”, proxecto que permite dotar ao goberno dunha “ferramenta” para marcar o camiño e dicir por onde cómpre ir. “Nós non podemos obrigar á fusión pero si vetar calquera acordo que vaia en contra dos intereses do País”.
“Aquí Feijóo chegou tarde, como no debate do financiamento, e por iso o BNG tivo que tomar a iniciativa”O deputado do BNG xustificou a presentación desta Proposición ante a falta de “dirección” e de “liderazgo” amosado até o de agora polo presidente da Xunta para marcar ese escenario e regras de xogo,”aquí chegouse tarde, como no debate do financiamento, e por iso tivemos que tomar a iniciativa outros”.
O parlamentar lembrou que está en xogo o entramado social, financeiro e empresarial do País, daí a importancia deste debate malia que algúns, criticou, semella non son conscientes da súa responsabilidade histórica.
O PRECEDENTE DA MOCIÓN
A proposición do BNG outorga ao Goberno galego o 20 por cento das cadeiras nas Asembleas Xerais das caixasRecordou tamén que o propio Parlamento, a iniciativa igualmente do BNG, manifestou hai quince días que esta lei é necesaria, votando unanimemente a favor dunha moción que compromete o Goberno a garantir que os centros de decisión destas entidades permaneza en Galiza e á redacción desta nova lei.
Para Blanco, entre os aspectos máis salientábeis do proxecto aprobado están a participación da administración galega nas Asembleas Xerais, nunha percentaxe do 20 por cento, que permita “estar presentes” e coordinar políticas para rendabilizar mellor o aforro dos galegos.
O deputado tamén se referiu á mellora da xestión das Caixas, para garantir unha maior transparencia e unha maior democratización dos seus órganos de goberno, e á Creazón da Comisión de Retribucións e un Comité de Investimentos que realmente sexa operativo, ambos con participación da administración galega.
Críanse os comités de retribución e os de investimentos, con participación da Administración galegaSegundo o parlamentar, cómpre facer fronte aos “intereses dalgúns” que cuestionan a propia existencia das Caixas e están tentando abrir o camiño para que a longo prazo os bancos se convirtan nos seus propietarios. “Este é outro dos riscos aos que nos enfrentamos, non só que perdan a súa vinculación con Galiza senón que incluso desaparezan”, de ahí a necesidade de aproveitar unha oportunidade como o debate de hoxe para sacar adiante a “ferramenta” que serva para que as Caixas sigan sendo galegas.
