Pedem penas de prisom para dous jovens por manifestar-se em defesa do galego

Os dias 3 e 4 de fevereiro terá lugar em Vigo um juizo-farsa contra dou jovens que participarom há três anos dumha concentraçom de protesta contra um acto da organizaçom ultraespanholista “Galicia Bilingüe”.A mobilizaçom foi dissolvida violentamente pola polícia com umha carga policial que deixou vários feridos, e durante a qual um moço dos agora julgados foi detido. Assim mesmo, dúzias de jovens forom identificados/as e posteriormente multados só por se terem concentrado e berrado consignas em defesa do nosso idioma.

Agora, umha das pessoas identificadas (Aurélio) e a pessoa detida (Iussa) som vítimas dumha montagem policial e judicial co único fim de escarmentar a quem se manifesta em defensa da nossa língua. Solicitam para eles penas de 5 e 3 anos e meio de prissom em base a acusaçons falsas de terem agredido a um polícia, quando fôrom as forças repressivas as únicas que actuarom de jeito violento.

De Isca!, solidarizamo-nos com os dous encausados e demandamos a sua absolviçom, assi como a depuraçom de responsabilidades pola actuaçom violenta da polícia contra umha mobilizaçom pacífica.