[SETEMBRO DE LOITAS – COMPOSTELA]

Este mes temos varias actividades programadas en Compostela para comezar o curso do mellor xeito: formándonos e procurando adquirir as ferramentas para comprender a nosa realidade e así poder mudala, entre todas e organizadas 🔥

➡️ QUINTA FEIRA (XOVES) 12 ÁS 19:00 DESDE A PRAZA DO OBRADOIRO ⬅️

Para a primeira semana de curso temos axendado un roteiro pola cidade para coñecermos a outra historia de Compostela, a dos espazos que albergaron actividade política noutros tempos, sobre todo do período de resistencia contra o franquismo. Para iso contamos con dous investigadores de Histora da USC, Rafael Garcia e Xabier Buxeiro, con quen debullaremos os aspectos máis interesantes da historia política recente da cidade. Porque, onte coma hoxe, seguimos no camiño pola liberación social e nacional do noso pobo!

➡️ QUINTA FEIRA (XOVES) 19 ÁS 20:00 NA FACULTADE DE HISTORIA ⬅️

Somos moitas as que temos que compaxinar estudos con traballo ou que nos iniciamos recentemente no mundo laboral. Os empregos aos que temos acceso acostuman ser moi precarios e en empresas que obstaculizan a reunión de traballadoras para loitaren polos seus dereitos. Para termos coñecemento sobre as cuestións máis básicas dun contrato laboral mais tamén para reflexionar sobre o tipo de traballos que este sistema reserva para nós, contaremos con Pepe Maio, delegado da CIG, e con Nazaré Estévez, compañeira de Isca! Porque debemos ser conscientes dos nosos dereitos e protexelos, polas que viñeron, por nós e polas que virán.

➡️ SEGUNDA FEIRA (LUNS) 23 ÁS 17:00 NA GENTALHA DO PICHEL ⬅️

Para pechar este ciclo, temos organizada unha tarde de formación arredor da figura do comunista italiano Antonio Gramsci. Centrarémonos nos aspectos máis de actualidade da súa teoría, como a hexemonía, a loita de clases en Occidente ou a necesidade dunha análise nacional na loita da clase traballadora. Para ler os textos que trataremos, podes entrar na nosa páxina web:

👉 www.iscagz.org 👈

Axúdasnos a difundir?