Trasladamos o noso pesar á UJC de Cuba polo pasamento de Fidel Castro

Á Unión de Jóvenes Comunistas de Cuba.
Ao consulado xeral de Cuba na Galiza.

Estimados camaradas, estimadas camaradas:

Desde Isca!, organización xuvenil do Movemento Galego ao Socialismo, querémosvos facer chegar o noso máis profundo pesar polo pasamento do Comandante en Xefe Fidel Castro, personificación da vontade do pobo cubano e recoñecido refente para todos os pobos en loita.

A República de Cuba non só constitúe un referente moral sumamente incómodo para o imperialismo. É un referente material incuestionábel que demostrou que o socialismo é posíbel mesmo nas condicións máis adversas. Para os que loitamos por unha patria soberana e pola construción do socialismo e o comunismo, para as que nos opoñemos aos crimes do imperialismo e dicimos que a humanidade non ten futuro baixo o dominio dos monopolios rendiremos a nosa particular homenaxe, que é continuar coa solidariedade internacionalista, apoiando a Cuba e apoiándonos no voso exemplo. Organizándonos contra o capital e inspirándonos nos vosos valores: o heroísmo dunha nación obstinada en vivir libre e soberanamente fóra do capitalismo.

Só vencen os pobos que loitan!

Viva Fidel e viva Cuba Socialista!

Patria ou morte!