[Vigo] Xornadas de formación feminista

Unha das mellores ferramentas que temos para loitar contra o sistema de vida e de relacións que nos impón o capitalismo e o patriarcado é a formación constante, mellorando a nosa capacidade de acción política e militante para así ser quen de transformar a realidade que nos tocou vivir. Escoitar, aprender unhas das outras, analizar e cuetionar todo o que nos somete; iso tamén nolo ensina o feminismo.

Convidámosvos a partillar connosco esta nova xornada de formación, debate e reflexión para continuar, máis fortes, na loita diaria feminista e antipatriarcal. Terán lugar o vindeiro 15 de novembro no Local Social Faísca (rúa Toledo nº9 – Calvario, Vigo) a partir das 12:00 horas da mañá co seguinte programa:

* 12:00h. Orixes do Patriarcado:
Representante de Mulheres Nacionalistas Galegas

* 13:00h. Feminismo e clase:
Representante de Isca!

* 16:00h. O papel da muller no sindicalismo:
Pilar Rodríguez, militante da CIG.

* 17:00h. Mulleres e territorio:
Representante da Marcha Mundial das Mulleres.

* 18:00h. O feminismo nas organizacións políticas:
Ximena González, activista feminista

Participa e espalla!