Xornadas contra a violencia machista en Ourense

Co lema “Feminismo é revolución!”, a Asemblea Comarcal de Galiza Nova en Ourense organiza unha xornadas coincidindo co Día Internacional contra a Violencia Machista. As actividades que a organización xuvenil nacionalista levará a cabo súmanse ás que a Marcha Mundial das Mulleres organiza na cidade na cidade, que podes consultar aquí.

Así, o venres 25 instalarase unha carpa no Paseo de 18:00 a 20:00h na que se distribuirá información e desenvolveranse actividades de denuncia da violencia machista.

O sábado 26, ás 11:00h na Sociedade Cultural Albor terá lugar unha charla co lema “Combater a violencia estrutural”, na que intervirán Ximena González (Marcha Mundial das Mulleres), Marta Arribas (BNG), Isabel Vilalba (Sindicato Labrego Galego) e Olalla Conde (Galiza Nova).

Ás 13h terá lugar no mesmo lugar a proxección do documental Fake Orgasm. (81min. Director: Jo Sol – Protagonista: Lazlo Pearlman),  sobre a construción permanente das identidades e o debate sexo-xénero. A seguir haberá un coloquio co título: “Toda identidade produce violencia”.

A seguir haberá un xantar popular, onde cada quen traerá comida para compartir e para repartir entre @s convidad@s.